Asthma ( Dama ) Ka Homeopathic ilaj In Urdu

Fefde mein hawa le jaane wali naliyon (bronchi) aur fefdon (lungs) mein jab shaleshma jama ho jata hai, nikaale nahin nikalta, saans mushkil se aati hai, chaati se saay-saay ki aawaz aati hai, seetiyaan si bajti hai, rogi hawa ke liye tarasta hai aadi is rog ke mukhya lakshan hain.

Kaaran : Maansik uttejna, kabz, vaat ya dhuyen bhare vatavaran mein rehna. Zyada matra mein kharab bhojan karna, seelan vaali jagahon mein rehna, aadi. Yeh rog hereditary bhi ho sakta hai.

1. Tezi ke saath rog ke shuru hone par, jab bechaini aur darr saath mein ho – Aconite Q ya 6 ( aavashyakta anusaar )

2. Jab raat ke 12 baje rog badhe, bechaini aur pyaas adhik ho. Thodi thodi der mein thoda thoda paani peene ki iccha bani rahe – Ipecac alb 6 ya 30 ( din mein 4 bar )

3. Chaati mein sankuchan, dum ghute, jeebh saaf ho, lagatar michli aaye jo ulti ho jaane se bhi kam na ho – Ipecac 6 ya 30 ( 2-2 ghante ke baad )

4. Sone se takleef badhe, shleshma nikalne se aaram aaye, Adhik age ki females mein masik band hone ke samay rog vridhhi – Lachesis 30 ( aavashyakta anusaar )

5. Rogi bahut chidchida ho, pet kharab rahe, baar-baar paakhana jane ki iccha, thand mehsoos kare – Nux vomica 30 ( 3-3 ghante ke baad )

6. Thodi der sone ke baad takleef badhe – Aralia racemosa Q ya 6 ( aavashyakta anusaar )

7. Rog jab steroids lene ke baad ya teeka karan ke baad ho, rogi thandi prakriti ka ho – Thuja 200 ya 1M ( din mein 3-4 baar )

8. Aise mareez jinhe thand zyada lagti ho, aur thandi cheezein nuksaan karti ho, nami mein theek rahe – Hepar sulph 30 ( din mein 3-4 bar )

9. Bachhon ke pet mein jab keede ho, ya pehle reh chuke ho aur saans ki tafleef ho – Cina 1M ya 10M ki kuch khuraak den.

10. Jab eosinophils ki matra khoon mein zyada ho, saans phoole – Thyroidinum 200 ya 1m

11. Jab rogi kamar ke bal let kar hath pair door phaila kar aaram mehsoos kare – Psorinum 1 M

12. Gaadi ke dhuyen ya industrial pollution se rog vridhhi – Sulphurosum Acidum 30 ( din mein 3 baar )

13. Rogi sirf khada reh kar theek se saans le sake, saans lene ke liye khidki ke sahare khada rahe – Cannabis indica 30 ya 200 

14. Sooti kapda bunne aur rui dhunne waale mazduron ke ashma me – Gossypium 30 ( din mein 3 se 4 baar )

15. Patthar todne wale mazduron mein – Silicia 30 ya 200

16. Barsaat aur nami se rog vridhhi – Natrum sulph 30 ( din mein 3 se 4 baar )

17. Phoolon ki khushboo se rog vridhhi – Ailanthus glandulosa 30 ( din me 3 se 4 baar )

18. Gusse ki wajah se rog bade – Chamomilla 200 ya 1M

19. Din ke samay rog badhe, ghutnon par sir rakhne se rog me kami, aur samudra tat par jaane se rog theek ho jaye – Medorrhinum 200 ya 1M

20. Mallahon ka dama, jahaz par samudra mein rehne se theek rahe aur samudra tat par aane se rog ubhar aaye – Bromium 30 ( din mein 3 baar )

21. Raat ke samay rog badhe – Syphilinum 200 ya 1M

22. Dukh, maansik tanaav ya shanti ke aabhav aur dhuyen se rog badhe – Ignatia 200 ya 1M

23. Paachan kriya mand ho, baar baar dakaar aaye magar phir bhi rogi halka mehsoos naa kare – China 6 ya 30 ( din mein 3 se 4 baar )

24. Chaahe shareer thanda bhi hone lage phir bhi taazi hawa achhi lage aur lagatar pankha karna chaahe – Carbo veg 6 ya 30 ( din mein 4 baar )

25. Paakhana jaane se rog ghate, dhool se rog badhe – Pothos foetidus 30 ( din mein 3 se 4 baar )

26. Jab bacchon mein yeh rog ho – Bacillinum 1M

27. Jab badon mein yeh rog ho – Tuberculinum 1M