Jonosia Ashoka Q ( Mahilaaon Ke Irregular Periods Ki Dawa In Urdu)

Is post me hum Ashoka Homeopathic medicine ke aushadhi gun aur laabh ke baare me jaanenge.

Ashoka ko hum “Janosia ashoka” ya “Saraka Indica” ke naam se bhi jaante hain. Yeh ek plant kingdom ki medicine hai aur pracheen kaal se ise aushadhi ke roop me istemal kiya jata hai. Yeh dawa khaas kar mahilaaon ki samasya jaise maasik dharm aur Leukorrhea mein achha laabh deta hai.

Ashoka females ki aushadhi hai aur yeh bachhe daani par asar karti hai. Kisi ko maasik kam hota hai, kisi ko dair se ya bahut zyada hota hai aur kisi kisi ko maasik hota hi nahin – aise mein in samast samasyaon mein Ashoka laabh karti hai. Ashoka maansik aur sharirik thakaan aur susti ko bhi theek karti hai.

Ashoka aushadhi ka upyog in symptoms ko dekhte hue karen:

1. Ashoka ke symptom wali females thodi si baat par emotional ho jati hain aur rone lagti hain. Woh sochti bahut zyada hai aur isi wajah se unhein mansik thakaan bahut zyada hota hai. Aur zyada sochne ki wajah se neend ki samasya bhi rehti hai.

2. zyada sochne ki wajah se headache hota hai. Maasik ke dauran sir dard mein araam milta hai. Thande paani se nahane par bhi rog me kami aati hai.

3. Ashoka aankh aane ki bahut hi achhi medicine hai. Agar aankh aa jaye aur aankhon mein jalan aur laali ho to ashoka ka upyog bahut laabh deta hai. Upari palak pe Stye hone par yeh medicine achha kaam karti hai.

4. Naak bahut behti hai ya phir sardi aasani se ho jaya karti hai aur chheenk bhi aati hai.

5. Kaan mein baar-baar infection hota hai uski wajah se achhe se sunai nahin deta.

6. Kam umar ki mahilaaon mein maasik ki samasya ke sath agar chehre par funsi (eruption) hota hai to ashoka bahut laabh karti hai.

7. Ashoka ke symptoms wale vyakti ko pyas bahut lagti hai, meetha aur khatta khana pasand hota hai parantu doodh achha nahin lagta. Aise lakshan mile to ashoka le.

8. Pet ki samasya rehti hai, ulti jaisa lagte rehna, pet dard hota hai, ulti hota hai aur uske sath peela paani nikalta hai, kuch bhi khane ka mann nahin karta hai.

9. Masik ke sath agar kabz ki bhi samasya hai to ashoka bahut laabh karta hai.

10. Peshaab baar-baar thoda-thoda hota hai, peshaab mein jalan rehti hai, peshaab mein halka khoon mila rehta hai to aise mein ashoka bahut laabh karti hai.

11. Agar purushon ke andkosh (testicle) mein soojan aur dard ho, dard neeche ki taraf jata ho to ashoka dawa se laabh milta hai.

12. Mahilaaon ko maasik nahin hone ki wajah se sir dard hota hai to ashoka bahut faydemand hai.

13. Kam umar ki mahilaaon ke sir dard mein bhi yeh aushadhi bahut laabh deti hai.

14. Agar maasik kam hota hai, rakt-srav (HEMORRHAGE) bahut hi kam hota hai aur ek ya do din ke liye hi aata hai to aise mein ashoka bahut laabh karta hai.

15. Aniyamit (irregular) maasik dharm ya kabhi-kabhi rakt srav zyada hone par ashoka dawa laabh deti hai

16. Maasik ke dauran irritation, chinta, susti mein ashoka faaydemand hai.

17. Agar shareer mein khoon ki kami hai, kaam karne par saans phool jati hai, jaldi thak jate hain to ashoka ka sevan awashya karein

18. Agar maasik ke dauran ya pehle kamar mein dard hota ho to aise mein ashoka bahut laabh deti hai.

Yaad rakhein ashoka mahilaaon ke liye bahut hi achhi medicine hai. Ashoka ko mother tincture mein hi istemaal karein. Upar diye hue kisi bhi symptom mein aap ashoka Q ki 20 drops ko aadhe cup paani mein daal kar din mein 3 baar piyen. Niyamit sevan se masik ki har prakar ki samasya theek ho jayegi.